Bu gün Bakıda “Şimali və Şərqi Qafqaz yəhudilərinin irsi və mədəniyyəti” mövzusunda beynəlxalq konfrans keçirilir.
“Report” xəbər verir ki, konfransda çıxış edən Bakı Beynəlxalq Multikulturalizm Mərkəzinin icraçı direktoru Rəvan Həsənov bildirib ki, Azərbaycan ərazisində yaşayan yəhudilər min illərdir sülh və əmin-amanlıq şəraitində yaşayırlar.
Onun sözlərinə görə, Azərbaycanda mövcud olan zəngin yəhudi mədəni irsi belə dinc yanaşı yaşamanın nəticəsidir:
“Bakı Beynəlxalq Multikulturalizm Mərkəzinin əvvəlcə islamofobiya, daha sonra xristianların, indi isə yəhudilərin irsi ilə bağlı konfrans təşkil etməsi dövlətimizin siyasəti haqqında çox şey deyir. Möhtərəm Prezident İlham Əliyevin dediyi kimi, Azərbaycan multikulturalizm siyasətinə sadiqdir və bizim üçün başqa alternativ yoxdur”.
www.icra-hakimyyeti.org.az
