Dini Qurumlarla İş üzrə Dövlət Komitəsi məscidlərə təyinat alan din xadimlərinin təhsili ilə bağlı statistik məlumatları açıqlayıb.
Dövlət Komitəsinin Dini təhsil şöbəsinin müdiri Elnarə Kərimova din xadimlərinin 131-nin ali dini, 46-sının isə orta ixtisas dini təhsil aldıqlarını bildirib.
Onun sözlərinə görə, ölkə daxilində ali dini təhsil almış şəxslərin 99 nəfəri Bakı İslam Universiteti, 12-si Bakı Dövlət Universitetinin İlahiyyat fakültəsi, 8-i Azərbaycan İlahiyyat İnstitutu, biri Qafqaz Universitetinin məzunlarıdır. Orta ixtisas dini təhsili almış şəxslərdən 17-si Əliabad İslam Kolleci, 14-ü Xosrov İslam mədrəsəsi, 8-i Şəbnəm İslam Kolleci, 7-si Şəki Pedaqoji Texnikumu, biri Lənkəran İslam Kollecini bitirib.
Vəzifəyə təyin olunan din xadimlərindən 5-i Türkiyə (3 nəfər Ərciyəs Universiteti, bir nəfər Marmara Universiteti, bir nəfər Səlcuq Universiteti), 3-ü Rusiya Federasiyasının Dağıstan Respublikası (bir nəfər Buyraks Universiteti, 2 nəfər Dağıstan İslam Universiteti), 5-i İran İslam Respublikası (Əl-Mustafa Universiteti), biri Misirdə (Əl-Əzhər Universiteti) ali dini təhsil almış şəxslərdir.
www.icra-hakimyyeti.org.az
