Şimali Kipr Türk Respublikasının Prezidenti Ersin Tatar Bakıda Fəxri və Şəhidlər xiyabanlarını ziyarət edib.
“Report”un xəbərinə görə, o, ulu öndər Heydər Əliyevin məzarı önünə əklil və gül dəstələri qoyub, dahi şəxsiyyətin əziz xatirəsini dərin hörmət və ehtiramla yad edib.
Daha sonra akademik Zərifə Əliyevanın məzarı ziyarət olunub, xatirəsi anılıb.
Fəxri qonaq daha sonra Şəhidlər xiyabanında Azərbaycanın suverenliyi və ərazi bütövlüyü uğrunda canlarından keçmiş şəhidlərin xatirəsini ehtiramla yad edib, məzarları üzərinə tər güllər düzüb.
Şimali Kipr Türk Respublikasının prezidenti, həmçinin, xatirə dəftərinə də ürək sözlərini yazıb.
Eyni zamanda, fəxri qonaq “Türk şəhidliyi” abidəsini də ziyarət edib.
www.icra-hakimyyeti.org.az
