Bu gün Azərbaycanda növbəti dəfə qardaş Türkiyənin başlatdığı ağacəkmə aksiyası təşkil olunub, ölkə ərazisində 11 111 ədəd ağac əkilib.
Oxu.Az xəbər verir ki, bu ildən 11 noyabr tarixi Türk Dövlətləri Milli Ağaclandırma Günü kimi qeyd olunur və Türk Dövlətləri Təşkilatına (TDT) üzv ölkələrdə kütləvi ağacəkmə aksiyaları keçirilir.
Müşfiqabad qəsəbəsində təşkil olunan ağacəkmə tədbirində Ekologiya və Təbii Sərvətlər Nazirliyinin kollektivi, Türkiyə, Qazaxıstan, Macarıstan, Özbəkistan, Qırğızıstan və Türkmənistanın ölkəmizdəki səfirliklərinin rəhbər şəxsləri, Şimali Kipr Türk Cümhuriyyətinin nümayəndələri, həmçinin qonaq qismində Tacikistanın səfirlik əməkdaşları, tərəfdaş təşkilatlar və könüllülər iştirak ediblər.
İrimiqyaslı ağacəkmə aksiyalarının keçirilməsi və yeni yaşıllıq sahələrinin salınması dünya dövlətlərinin, o cümlədən Azərbaycanın iqlim dəyişmələrinin fəsadlarını minimuma endirmək üçün qoşulduğu təşəbbüslərə dəstək və töhfədir.
www.icra-hakimiyyeti.az
