“Bu gün biz Xocalı rayonunun Qaladərəsi adlanan ərazisində tapılmış məzar yerinə mütəxəssislər və aidiyyəti dövlət qurumları ilə birgə baxış keçirəcəyik”.
Bunu “Report”a Əsir və itkin düşmüş vətəndaşlarla əlaqədar Dövlət Komissiyası işçi qrupu rəhbərinin müavini Eldar Səmədov deyib.
Onun sözlərinə görə, ərazinin ilkin dəyərləndirilməsi aparılacaq.
Qeyd edək ki, ötən gün Baş Prokurorluğun yaydığı məlumata əsasən, insan qalıqlarının azı üç nəfər şəxsə məxsus olması müəyyənləşib.
