Almaniya Bundesliqasında 32-ci tura start verilib.
Oxu.Az xəbər verir ki, ilk oyun günündə Dortmund “Borussiya”sı “Auqsburq”la evində “Bavariya” isə “Ştuttqard”la səfərdə qarşılaşıb.
Sürətli hücumlarla başlayan “Borussiya Dortmund” “Auqsburq” görüşündə hesab erkən qolla açılıb. 4-cü dəqiqədə Moukoko meydan sahiblərini irəli çıxarıb – 1:0. Bu qoldan ruhlanan meydan sahibləri rəqibi yenidən meydanın mərkəzinə dəvət ediblər. 20-ci dəqiqədə Donyel Malin fərqi 2-yə yüksəldib – 2:0. 30-cu dəqiqədə səhnəyə çıxan Moukoko dublunu rəsmiləşdirib – 3:0. Məğlubiyyətlə barışmayan qonaqlar fərqi 2-yə endiriblər. Ruben Varqas 32-ci dəqiqədə dəqiq oynayıb – 1:3. “Auqsburq” futbolçularının sevinci cəmi 2 dəqiqə çəkib. Marko Roys 34-cü dəqiqədə rəqibi yenidən meydanın mərkəzinə dəvət edib – 4:1. Fasilədən sonra da üstünlüyü davam etdirən “sarı-qaralar” qonaqları yenidən məyus ediblər. Feliks Nmça 64-cü dəqiqədə Marko Roysun ötürməsini qolla tamamlayıb – 5:1.
“Ştuttqard” “Bavariya” görüşünün favoriti qonaqlar sayılsalar da, hesabı meydan sahibləri açıblar. Stercio 29-ci dəqiqədə Deniz Undavın ötürməsini qolla tamamlayıb – 1:0. Amma məğlubiyyətlə barışmayan qonaqlar ilk hissənin sonlarına doğru hesaba tarazlıq gətiriblər. Hari Keyn 37-ci dəqiqədə penaltini dəqiq yerinə yetirib – 1:1. Görüşün sonlarına doğru aktivliyi artıran “Ştuttqard” futbolçuları rəqibi cəzalandırıblar. Yionq Cionq 83-cü dəqiqədə komanadasını hesabda irəli çıxarıb – 3:1. Görüşün sonlarına doğru daha bir qol vurulub. Silas əsas vaxta əlavə olunmuş 3-cü dəqiqədə görüşdə son nöqtəni qoyub – 3:1.
Qeyd edək ki, aktivində 69 xalı olan “Bavariya” 2-ci pillədə qərarlaşıb. “Ştuttqard” 67 xalla 3-cü, ”Borussiya Dortmund” 60 xalla 5-cidir. Aktivində 39 xalı olan “Auqsburq” isə 10-cu sıradadır.
Anar Həsənov
www.icra-hakimiyyeti.az
