İspaniya La Liqasında 34-cü tura start verilib.
Oxu.Az xəbər verir ki, günün maraqlı görüşündə “Real Madrid” “Kadiz”lə üz-üzə gəlib. Qarşılıqlı hücumlar şəraitində keçən görüşün ilk hissəsində komandalar çox çalışsalar da, hesab açılmayıb.
İkinci hissəyə daha fəal başlayan “Kral” klubu nəhayət ki, istəyinə çatıb. Brahim Diaz 51-ci dəqiqədə sükutu pozub. Hücumlarını daha da artıran meydan sahibləri yenidən rəqibi meydanın mərkəzinə dəvət ediblər. 68-ci dəqiqədə ingiltərəli ulduz Cud Bellingem fərqi artırıb – 2:0. Görüşdə son nöqtəni isə əsas vaxta əlavə olunmuş 4-cü dəqiqədə Xoselu qoyub – 3:0.
Qeyd edək ki, 3-0 hesabı ilə qalib gələn “Real Madrid” 87 xalla turnir cədvəlindəki liderliyini qoruyub. “Kadiz” 26 xalla 18-cidir.
www.icra-hakimiyyeti.az
