Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin gənc əməkdaşı dövlət proqramının qalibi olub.
Murad Afiq oğlu Teymurov 1997-ci il yanvarın 3-də anadan olub. Orta məktəbdə oxuduğu dövrdə regional tarix olimpiadasının qalibi olub.
Bakalavr təhsilini Azərbaycan Dövlət İqtisad Universitetinin SABAH qruplarında davam etdirib. Oxuduğu müddətdə yüksək akademik göstəricilərə görə TOP 15 təqaüdünə və müxtəlif sertifikatlara layiq görülüb.
Magistratura səviyyəsi üzrə Azərbaycan Respublikasının Prezidenti yanında Dövlət İdarəçilik Akademiyasında təhsil alıb. Akademiyanı fərqlənmə ilə bitirib.
Növbəti təhsilini İtaliya Respublikasının Sapienza və Çexiya Respublikasının Charles Universitetlərində alıb. Oxuduğu müddətdə İtaliyanın Təhsil, Universitet və Tədqiqat Nazirliyinin, Erasmus təşkilatının təqaüdlərinə layiq görülüb. Bucharest University of Economic Studies ilə ikili diplom proqramının qalibi olub. Universiteti yüksək göstəricilərlə (97.3% GPA) bitirib.
İELTS 7.5, İESE Busines School, University of Bucharest, CFİ İnstitute-də daxil olmaqla müxtəlif beynəlxalq təşkilatlardan 20-dən çox beynəlxalq sertifikata layiq görülüb.
İtaliyanın Sapienza Universitetində iqtisadiyyat üzrə PhD təhsili alır.
Müəllifi olduğu 10-dan çox elmi məqalə Azərbaycan Respublikası, Rusiya Federasiyası, Ukrayna Rspublikası, İsveç Krallığı və Almaniya Fedrativ Respublikasının nüfuzlu beynəlxalq jurnallarında çap olunub.
25 yaşından Azərbaycan Dövlət İqtisad Universitetində UNEC Bizness Schoolda müəllim və elmi rəhbər kimi çalışır.
Dördüncü Yüksəliş müsabiqəsinin yarımfinalçısı və Gənc Liderlər Proqramının qalibi olub.
Murad həmçinin Dövlət İmtahan Mərkəzi tərəfindən keçirilən dövlət qulluğuna qəbul imtahanında da yüksək nəticə göstərib. Belə ki, 2023- cü ilin dekabr ayında dövlət qulluğu üzrə BA imtahanında 105 bal toplayaraq ölkə üzrə ən yüksək nəticə əldə edib.
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2028-ci illər üçün Dövlət Proqramı”nın qalibi olaraq təhsilini dünyanın ən yaxşı universitetlərindən biri, beynəlxalq reytinq cədvəllərində top 10-da olan ABŞ-nin Çikaqo Universitetində davam etdirəcək.
Muradı təbrik edirik və təhsil həyatında uğurlar arzu edirik.
icra-hakimiyyəti.az
